الشروط وسياسة الاسترجاع

الشروط والأحكام

شراء الورشة يعطيك حق مشاهدتها لاستخدامك الشخصي.
الوصول يشتغل على جهاز واحد، وهو أول جهاز تفتح منه الورشة. لو غيّرت جهازك تواصل معنا وننقل لك الوصول.
يُمنع تسجيل الورشة أو تصويرها أو نسخها أو مشاركتها أو إعادة بيعها.
يظهر على الفيديو اسمك وآخر 4 أرقام من جوالك ورقم الطلب، لحماية المحتوى.
أي مخالفة لهذي الشروط تلغي الوصول للورشة بدون استرجاع المبلغ.
الأسعار بالريال السعودي وتشمل ضريبة القيمة المضافة 15%، والدفع عبر بوابة ميسّر.
نحدّث محتوى الورشة لتحسينه، ويوصلك التحديث بدون تكلفة إضافية.
إتمام الشراء يعني موافقتك على هذي الشروط وسياسة الاسترجاع والخصوصية.

الضمان الذهبي: إذا ما استفدت من الورشة، ترجع فلوسك كاملة خلال 14 يوم من تاريخ الشراء.

اطلب الاسترجاع من صفحة الورشة، من زر «اطلب الاسترجاع» في بطاقة الضمان الذهبي، واكتب وش اللي ما نفعك. ولو ما تقدر تفتح الصفحة، أرسل طلبك على واتساب أو الإيميل مع الإيميل والجوال اللي استخدمتها في الشراء.
نراجع الطلب ونرجّع المبلغ كامل خلال يومين عمل من وصوله.
الضمان الذهبي مرة وحدة لكل شخص. لو سبق استرجعت ورشة بالضمان بنفس الإيميل أو الجوال، ما ينطبق مرة ثانية.
عند تنفيذ الاسترجاع يتوقف الوصول للورشة.
يرجع المبلغ لنفس وسيلة الدفع: بطاقات مدى خلال 1 إلى 3 أيام عمل، والبطاقات الائتمانية خلال 7 إلى 14 يوم عمل، حسب البنك.
بعد مرور 14 يوم من الشراء ما يمكن الاسترجاع.
لو انخصم منك المبلغ مرتين بالخطأ، نسترجع المبلغ المكرر كامل في أي وقت.
الاسترجاع ما يشمل الوصول اللي انلغى بسبب مخالفة الشروط.

نجمع اسمك وإيميلك وجوالك عشان نربط الورشة فيك وترجع لها.
بيانات بطاقتك تروح لميسّر مباشرة، وما نحفظها ولا تمر على موقعنا.
نحفظ معرّف جهازك عشان نطبّق شرط الجهاز الواحد.
ما نشارك بياناتك مع أي جهة، إلا ميسّر لإتمام الدفع ومزوّد عرض الفيديو لتشغيل الورشة.
تقدر تطلب تعديل بياناتك أو حذفها بالتواصل معنا.